«Башҡорт теле – күңелем көҙгөһө» — китап күргәҙмәһе

14 декабрҙә, Башҡортостан Башлығы Радий Хәбировтың Указына ярашлы, Башҡорт теле көнө һәм бөйөк мәғрифәтсе Мифтахетдин Аҡмулланың тыуыуына 190 йыл тулыу билдәләнәсәк. Ошо иҫтәлекле даталар айҡанлы, республикала бихисап ҡыҙыҡлы һәм йөкмәткеле саралар уткәрелә.
Шөнгәк-Кул ауыл китапханаһы Башҡорт теле көнөнә арналған сараларҙан ситтә ҡалманы. 2021 йылдың 8 декабрендә «Башҡорт теле – күңелем көҙгөһө» тип аталған китап күргәҙмәһе ойошторҙо. Күргәҙмәлә Аҡмулла Мифтахетдин, Бабич Шәйехзада, Ниғмәти Рәшит, Ғәфури Мәжит, Ғәрипов Рәми, Кинйәбулатов Ирек, Нәжми Назар китаптары куйылды.